Na biełaruska-polskaj miažy — rekord pa mihrantach
1 kastryčnika polskija pamiežniki zafiksavali 601 sprobu parušeńnia miažy z boku Biełarusi. Heta najbolšaja kolkaść za čas mihracyjnaha kryzisu. Učora takich incydentaŭ było 529.
Pamiežniki zatrymali 29 mihrantaŭ (bolšaść — hramadzianie Iraka), a taksama piać čałaviek, jakija dapamahali mihrantam nielehalna pierachodzić biełaruska-polskuju miažu i traplać u Jeŭrasajuz (małdavanina, dvuch siryjcaŭ i dvuch ukraincaŭ), paviedamiła polskaja pamiežnaja słužba.
U polskich mihracyjnych centrach znachodziacca 1490 mihrantaŭ. Prašeńnie ab prytułku ŭ Polščy padali 44% ź ich.
Litoŭskija pamiežniki za sutki nie prapuścili praź miažu 84 nierehularnych mihrantaŭ, paviedamiŭ Delfi.
Usiaho z pačatku mihracyjnaha kryzisu ŭ žniŭni na litoŭskaj miažy raźviarnuli bolš za 3 tysiačy čałaviek. 4169 mihrantaŭ źmiaścili ŭ łahiery biežancaŭ.
