Vienhryja padpisała pahadnieńnie z «Hazpramam» z tranzitam hazu ŭ abychod Ukrainy. Ukraina aburanaja
Vienhryja ŭ paniadziełak padpisała novy doŭhaterminovy dahavor ab pastaŭkach hazu z Rasijaj, jaki žorstka raskrytykavała Ukraina, admianiŭšy zapłanavanuju sustreču mižuradavaj kamisii ŭ Budapiešcie, piša Reuters.
Pahadnieńnie z «Hazpramam» raźličanaje na 15 hadoŭ, z mahčymaściu źmianić zakuplenyja abjomy praz 10 hadoŭ.
Pavodle damovy, «Hazpram» budzie štohod adhružać Vienhryi 4,5 miljarda kubamietraŭ pryrodnaha hazu pa dvuch maršrutach: 3,5 miljarda kubamietraŭ praź Sierbiju i 1 miljard kubamietraŭ praz Aŭstryju.
MZS Ukrainy vystupiła z zajavaju: «Ličym heta vyklučna palityčnym, ekanamična nieabhruntavanym rašeńniem, pryniatym va ŭhodu Kramlu i ŭ škodu nacyjanalnym intaresam Ukrainy i ŭkrainskaha-vienhierskim adnosinam».
MZS Ukrainy zajaviła 27 vieraśnia, što inicyjavała pieranos pasiadžeńnia mižuradavaj ukrainska-vienhierskaj kamisii pa pytańniach ekanamičnaha supracoŭnictva, jakaja pavinna była adbycca dniami ŭ Budapiešcie.
U MZS Ukrainy nastojvajuć, što Vienhryi bolš vyhadna atrymlivać haz tranzitam praz razhalinavanuju hazatranspartnuju sistemu Ukrainy, jakaja dazvalaje najbolš karotkim šlacham pastaŭlać haz u krainy Jeŭropy.
MZS Ukrainy: Łukašenka całkam zasvoiŭ šabłony rasijskaj prapahandy
