«Pryjechali, ubačyli heta pjanaje cieła». Novy źliŭ ad byłych siłavikoŭ pa spravie Ramana Bandarenki
Byłyja siłaviki apublikavali novy dadatkovy fakt adnosna rasśledavańnia pa śmierci Ramana Bandarenki.
Na aŭdyja razmova dvuch čałaviek: pieršy hołas padobny na hołas kamandzira AMAPa HUUS Minharvykankama Dźmitryja Bałaby, druhi — na hołas padpałkoŭnika milicyi Dźmitryja Bielika. Razmova adbyłasia 12 listapada ŭ 11:39.
Bałaba nibyta patelefanavaŭ Bieliku, kab spytać, kaho z supracoŭnikaŭ AMAP toj raspytvaje pa abstavinach načnoha zdareńnia.
Bielik adkazvaje, što nikoha, što zadavalniaje Bałabu.
Jon raspaviadaje viersiju, jak «było na samoj spravie»:
«Pa 102 tam prajšoŭ sihnał, pryjechali, ubačyli heta pjanaje cieła ***, dastavili jaho ŭ Centralnaje, adpravilisia dalej na svoj maršrut», — kaža hołas, padobny na hołas Bałaby.
Razmova heta nahadvaje cisk na kryminalny vyšuk. Z raśledavańnia byłych siłavikoŭ viadoma, što na samaj spravie było inakš. Raman Bandarenka nie byŭ pjany, a siłaviki znachodzilisia na padstrachoŭcy ŭ hruppy «nieabyjakavych hramadzian», što pryjechali rezać stužki na Płošču Pieramienaŭ.
Źjaviłasia dadatkovaje rasśledavańnie pa śmierci Bandarenki. Jakija novyja rečy adtul viadomyja?
«Šok i abureńnie. Mama siadzić, płača». Siastra Ramana Bandarenki prakamientavała prypynieńnie spravy ab zabojstvie brata
