Peŭnaja kolkaść bankaŭ i kartki nacyjanalnaj sistemy: Nacbank patłumačyŭ pra adkryćcio bazavych rachunkaŭ
Dla fizičnych asob uviaduć bazavyja bankaŭskija rachunki. Nacbank apublikavaŭ tłumačeńnie, jakija niuansy nas čakajuć.
Asnoŭnyja pałažeńni ŭkaza ŭstupajuć u siłu z 1 sakavika nastupnaha hoda, miarkujecca, što całkam pierachod budzie ažyćcioŭleny da 1 lipienia 2025 hoda.
Bazavy rachunak budzie adroźnivacca ad zvyčajnaha raźlikovaha bankaŭskaha rachunku tym, što praduhledžvaje peŭny nabor biaspłatnych pasłuh: adkryćcio rachunku, pieravody pamiž rachunkami, źniaćcie najaŭnych praz bankamaty.
Adzin čałaviek zmoža adkryć adzin bazavy rachunak, adnak adkryvać takija rachunki abaviazany banki, u statutnych fondach jakich bolš za 50% akcyj dziaržavy. Na siońnia heta — Biełarusbank, Biełahraprambank, Bielinviestbank, Bank Dabrabyt.
Što da inšych bankaŭ, to im dajecca prava na adkryćcio bazavych rachunkaŭ fizičnym asobam, i najaŭnaść bazavaha rachunku nie abmiažoŭvaje prava fizičnaj asoby na adkryćcio ŭ bankach inšych rachunkaŭ i vykarystańnie roznych płaciežnych instrumientaŭ u adpaviednaści z bankaŭskim zakanadaŭstvam.
Dla fizičnych asob abaviazkovaść adkryćcia bazavaha rachunku praduhledžana tolki ŭ vypadkach, kali jany žadajuć abo abaviazany ŭ adpaviednaści z aktami zakanadaŭstva atrymlivać sacyjalnyja i pryraŭnavanyja da ich vypłaty ŭ bieznajaŭnaj formie.
Da rachunkaŭ buduć vypuskać płaciežnyja kartki tolki nacyjanalnaj płaciežnaj sistemy, kabejdžynhavyja kartki dźviuch płaciežnych sistem, apierataram adnoj ź jakich źjaŭlajecca rezident Biełarusi, albo inšaha biełaruskaha płaciežnaha instrumienta (h.zn. Biełkart i «Mir»).
Što da zarobkaŭ, to dla najmalnikaŭ ŭvodziać abaviazak pieraličvać zarobki i pryraŭnianyja da jaho vypłaty na ŭkazany rabotnikam bazavy rachunak.
Nacbank zapeŭnivaje, što novaŭviadzieńnie ŭviali dla pavyšeńnia jakaści i dastupnaści bankaŭskich pasłuh.
