Vytvorca amierykanskaj vakcyny ad karanavirusa patłumačyŭ, čamu pandemija skončycca praz hod
Hienieralny dyrektar amierykanskaj farmaceŭtyčnaj kampanii Moderna Stefan Bansiel niečakana paradavaŭ usio čałaviectva. Miljarder sprahnazavaŭ zaviaršeńnie pandemii karanavirusa. Kali vieryć pradprymalniku, to da dakaranavirusnaha žyćcia ŭsie my vierniemsia praz hod. Adnym słovam, vosieńniu nastupnaha hoda pandemii nastupić kaniec.
«Kali vy pahledzicie na pašyreńnie vytvorčych mahutnaściaŭ u maštabach usioj haliny za apošnija šeść miesiacaŭ, to da siaredziny nastupnaha hoda pavinna być dastupna dastatkovaja kolkaść doz, kab usie na hetaj Ziamli mahli być vakcynavany», —
pryvodzić RIA «Novosti» radki ź intervju Bansiela šviejcarskaj haziecie Neue Zürcher Zeitung.
Pry hetym Bansiel źviarnuŭ uvahu na toje, što ŭsie tyja, chto admovicca ad vakcynacyi, pierachvarejuć na «karonu», pakolki daminujučy ciapier u śviecie štam «delta» davoli zarazny.
«Tyja, chto nie pryščepiacca, umacujuć imunitet naturalnym čynam, — upeŭnieny Bansiel. — U suviazi z rostam kolkaści vakcynavanych u śviecie my dasiahniom situacyi, anałahičnaj situacyi z hrypam: možna zrabić pryščepku i narmalna pieražyć zimu».
Pry hetym jon papiaredziŭ, što, jak i ŭ vypadku z hrypam, tyja, chto nie vakcynujecca, schilnyja da značna bolšaj ryzyki špitalizacyi.
U vyniku, zhodna z pradkazańniem Bansiela, moładź budzie pryščaplacca ad karanavirusa adzin raz na try hady, a pažyłyja — raz na hod.
