U Minsku źjavicca jašče adzin łandšaftna-zabaŭlalny park
Novy park źjavicca pamiž vytvorčaj terytoryjaj AAT «Kamvol» i mikrarajonam Łošyca.
turist.by
Pra heta «Minsk-Navinam» paviedamiŭ kiraŭnik administracyi Leninskaha rajona Raman Mielnik.
«Užo raspracavany horadabudaŭničy prajekt detalovaha płanavańnia łandšaftna-rekreacyjnaj zony ŭzdoŭž Śvisłačy ad vuł. Dzianisaŭskaj da Čyžoŭskaha vadaschovišča. Jon uklučyć i terytoryju Łošyckaha siadzibna-parkavaha kompleksu, — raspavioŭ Mielnik.
— U zonie prajektavańnia raźmiaścilisia dźvie ekaściežki. Adna ź ich, «Srebrany Łoh», pačynajecca ad skryžyvańnia vuł. Plachanava i Jakubava praciahvajecca na 800 m praź zialonuju zonu pamiž vuł. Jakubava i Śvisłačču da prypynku hramadskaha transpartu na rahu vulic Jakubava i Malinina. Akramia taho, tut abstalavana jašče adna ekaściežka «Horad ptušak». Bo Srebrany Łoh — heta ŭnikalnaja bahnistaja nizina ŭ pojmie Śvisłačy, jakaja stała domam dla mnohich vidaŭ ptušak, u tym liku i zaniesienych u Čyrvonuju knihu».
