Źmieny ŭ praviłach biaźvizu: ciapier u Biełaruś možna budzie prybyvać i praz abłasnyja aeraporty
Alaksandr Łukašenka padpisaŭ dakumient, jaki ŭnosić źmieny ŭ jaho papiaredni ŭkaz pa biaźvizavym paradku ŭjezdu i vyjezdu zamiežnych hramadzian. Pra heta paviedamlaje Nacyjanalny pravavy internet-partał Biełarusi. Sam dakumient jašče nie apublikavany, ale sioje-toje ŭžo viadoma.
Ciapier zamiežniki zmohuć ujazdžać u Biełaruś na termin da 30 dzion biez afarmleńnia viz praz:
- aeraport Brest;
- aeraport Viciebsk;
- aeraport Homiel;
- aeraport Hrodna;
- aeraport Mahiloŭ.
Raniej «biełaruski biaźviz» raspaŭsiudžvaŭsia tolki na zamiežnikaŭ, jakija prybyvajuć u Biełaruś praz Nacyjanalny aeraport Minsk.
Usie nazvanyja aeraporty vałodajuć mižnarodnym statusam, to-bok mohuć prymać i adpraŭlać rejsy za miežy Biełarusi. Pry hetym ciapier tolki častka ź ich zadziejničanaja: naprykład, ź Bieraścia i Homiela možna palacieć čartarnym rejsam u Jehipiet abo Turcyju.