ADKB dapamoža Tadžykistanu ŭ vypadku abvastreńnia situacyi na miažy z Afhanistanam
Siłavyja struktury Tadžykistana trymajuć situacyju na miažy z Afhanistanam pad kantrolem, ale Arhanizacyja damovy ab kalektyŭnaj biaśpiecy (ADKB) dapamoža ŭ vypadku abvastreńnia abstanoŭki, zajaviŭ hienieralny sakratar ADKB Stanisłaŭ Zaś.
«Siońnia tam situacyja niespryjalnaja, ale tadžykskija pamiežniki i pravaachoŭnyja orhany całkam kantralujuć miežy krainy», — skazaŭ Zaś ab situacyi na miažy Tadžykistana i Afhanistana paśla pasiadžeńnia ŭ Dušanbe Savieta kiraŭnikoŭ MZS, Minabarony i sakrataroŭ savietaŭ biaśpieki ADKB, piša interfax.by.
«Tamu ŭsie dziaržavy — členy ADKB adzinyja ŭ mierkavańni i jašče raz paćvierdzili ahulnuju pazicyju: u vypadku abvastreńnia situacyi na paŭdniovych rubiažach ADKB, Tadžykistanu budzie akazana ŭsia nieabchodnaja vajennaja i vajenna-techničnaja dapamoha», — skazaŭ Zaś.
Zaś adznačyŭ, što 16 vieraśnia na pasiadžeńni Savieta kalektyŭnaj biaśpieki ADKB buduć detalova razhledžany prapanovy pa praduchileńni mahčymych pahroz z Afhanistana, miaža ź jakim u Tadžykistana składaje 1300 km.
U ADKB uvachodziać Biełaruś, Armienija, Rasija, Kazachstan, Kyrhyzstan, Tadžykistan.
