Palitźniavolenaj maci piaciarych dziaciej Volzie Załatar vystavili jašče dva abvinavačvańni
Siońnia ŭ Minharsudzie na zakrytym pasiadžeńni razhledzieli skarhu na padaŭžeńnie terminu ŭtrymańnia pad vartaj palitźniavolenaj Volhi Załatar, paviedamlajuć pravaabaroncy.
Z raskładu suda stała viadoma, što akramia art. 361-1 KK (Stvareńnie ekstremisckaha farmiravańnia) jaje taksama abvinavačvajuć pa č. 1 i 2 art. 342 KK (Arhanizacyja i navučańnie dziejańniam, jakija hruba parušajuć hramadski paradak) i č. 6 art. 16 č. 1 art. 342 KK (Dapamahańnie ŭ arhanizacyi dziejańniaŭ, što hruba parušajuć hramadski paradak).
Amal paŭhoda maci piaciarych niepaŭnaletnich dziaciej znachodzicca za kratami. Volhu zatrymali supracoŭniki HUBAZiKa 18 sakavika, kali jana viezła 10-hadovuju dačku ŭ muzyčnuju škołu. Supracoŭniki HUBAZiKa raźviarnuli jaje mašynu i supravadzili dadomu. Tam prajšoŭ pieratrus, paśla jakoha Volhu zabrali ŭ izalatar. Na volu jana tak i nie vyjšła.
