Pryčynaj śmierci babuli i ŭnučki ŭ Maskvie, chutčej za ŭsio, byŭ nie kavun
Z susiednich damoŭ špitalizavali 10 čałaviek.
9 vieraśnia ŭ Maskvie špitalizavali troch členaŭ adnoj siamji z atručeńniem. Paźniej babula i ŭnučka pamierli. Pieršapačatkovaj pryčynaj śmierci ŭ ŚMI nazvali kavun z najbližejšaj kramy.
Z kvatery na ekśpiertyzu adpravili ŭsie pradukty, a kramu apiačatali. Pastaŭščyk kavunoŭ u handlovuju sietku admaŭlaŭ, što ich tavar moh stać pryčynaj śmierci ludziej.
U domie, dzie žyli pamierłyja, zładzili pravierku. Śpiecyjalisty ŭziali proby vady i pavietra, a žycharoŭ pravieryli na kavid i zabaranili karystacca vadoj.
U nastupnyja dni z susiednich damoŭ špitalizavali 10 čałaviek z padobnymi simptomami: vysokaj tempieraturaj, sutarhami i prykmietami kišečnaj infiekcyi. Nichto z novych paciarpiełych kavun nie jeŭ.
Aficyjnaj viersii masavaha atručeńnia pakul niama. Pa adnoj ź nieaficyjnych, pryčynaj mahli stać taksičnyja rečyvy ŭ budmateryjałach — u domie idzie kapitalny ramont. Žychary ž miarkujuć, što ludziej špitalizavali z-za chimikataŭ, jakimi trucili nasiakomych.