Repieru z Dobruša dali hod kałonii za pieśniu pra Łukašenku
Sudździa Łukjanava (sud Dobrušskaha rajona) pakarała 1 hodam kałonii ahulnaha režymu repiera Jaŭhiena Piatrova za abrazu Łukašenki, jakuju śledčyja znajšli ŭ pieśni «Łukašienko, uchodi» aŭtarstva maładziona, pieradajuć homielskija pravaabaroncy.
Sam Jaŭhien viny nie pryznaŭ. Jon ličyć, što ŭ pieśni, jakuju jon napisaŭ letaś padčas vybarčaj kampanii, nie było abrazy, bo paśla abraźlivaha słova stajaŭ pytalnik.
Jaŭhien — hramadzianin Rasii, a značyć, paśla adbyćcia pakarańnia, jon budzie departavany z terytoryi Biełarusi.
Ciapier jon znachodzicca ŭ SIZA №3 u Homieli. Nieviadoma, ci budzie chłopiec padavać apielacyju na rašeńnie rajonnaha suda, bo ŭ jaho nie było advakata na pracesie.
Raniej, 23 žniŭnia, za repost hetaj pieśni sud pakaraŭ hodam kałonii 22-hadovaha hamielčuka Siarhieja Bałachonava.
