Čytačy pra zatrymańni na maršy ŭ Kuncaŭščynie: «Stajała mašyna DAI, chłopiec dastaŭ ściah, jaho adrazu pavalili»
Siońnia zranku ŭ Kuncaŭščynie adbyŭsia nievialiki marš. Jak paviedamlajuć čytačy «Našaj nivy», zatrymali niekalki čałaviek. Vidavočcy pišuć, što kala 26-j palikliniki ŭ Kuncaŭščynie kala 08:20 bačyli čałavieka ŭ kajdankach, jaki lažaŭ, a kala jaho stajaŭ charakterny sini bus.
«Chutčej za ŭsio, heta była vypadkovaść. Stajała DAI, chłopiec dastaŭ ściah u ich pad nosam, nie źviarnuŭšy ŭvahi. Jaho adrazu pavalili, vyklikali bus, — kaža adna z čytačak. — Voś i ŭsia śpiecapieracyja. Mahčyma, jašče adnaho zatrymali, chto ź im pobač byŭ. Pakul nieviadoma».
Jak paviedamili «Našaj nivie» vidavočcy, kolkaść udzielnikaŭ u maršy vahałasia ad 30 da 50 čałaviek.
«Udałosia svoječasova daviedacca pra prybližeńnie siłavikoŭ. Supracoŭniki byli razhublenyja, jaŭna nie čakali nas ubačyć, što dazvoliła natoŭpu skarystacca situacyjaj i razasiarodzicca», — raskazaŭ adzin z udzielnikaŭ.
Pravaabarončy centr «Viasna» paviedamlaje imia adnaho z zatrymanych, jaho zavuć Dźmitry Palakoŭ.
Videa ź im užo źjaviłasia ŭ praŭładnych telehram-kanałach. Palakoŭ raskazaŭ, što marš startavaŭ u 7:45 kala palikliniki 26. Na videa jon skazaŭ, što na miescy zboru da ich padyšła dziaŭčyna i dała ściahi. Praź dźvie chviliny paśla pačatku ich zatrymali.
Taksama źjaviłasia videa i z druhim zatrymanym. «Viasna» paviedamlaje, što chłopca zavuć Alaksiej Busieł. Taksama zatrymanaja Alaksandra Dončanka.
***
Kali ŭ vas jość fota i videa zdareńnia, albo inšyja naviny, paviedamlajcie ŭ @nasa_niva_bot
