Žycharu Baranavičaŭ prysudzili dva hady «chatniaj chimii» za kamientar u «Adnakłaśnikach»
U paniadziełak abviaścili prysud pa kryminalnaj spravie ŭ dačynieńni da žychara Baranavičaŭ Dźmitryja Bubienčyka, jakoha vinavacili ŭ abrazie milicyjanta.
Jon pakinuŭ niehatyŭny kamientar pad publikacyjaj Volhi Karač z vyjavaj supracoŭnika milicyi — staršaha ŭčastkovaha inśpiektara Pieršamajskaha rajona Babrujska Andreja Komara, paviedamlaje «Viasna».
Hety vyraz, pavodle linhvistyčnaj ekśpiertyzy, «źjaŭlajecca abraźlivym, hrubym, maje niehatyŭnuju acenku Komara, źjaŭlajecca nienarmatyŭnaj formaj maŭlenčaha vykazvańnia».
Dźmitryj Bubienčyk vinu pryznaŭ całkam. Patłumačyŭ, što ŭ toj dzień pryjšoŭ z pracy i pračytaŭ infarmacyju pra toje, što supracoŭnik milicyi Komar vystupaŭ u sudach suprać ludziej, a ich potym karali sutkami. Pavieryŭ apublikavanaj infarmacyi, tamu i napisaŭ taki niehatyŭny kamientar.
U toj momant «na 50% uśviedamlaŭ, što napisanaje moža abrazić Komara». Padčas sprečak bakoŭ abvinavačany paŭtaryŭ, što całkam pryznaje vinu i moža spłacić 10 bazavych vieličyń (290 rubloŭ) kampiensacyi paciarpiełamu milicyjantu.
U vyniku sud pastanaviŭ pakarać Dźmitryja dvuma hadami «chatniaj chimii».
