Prezident Polščy ŭvioŭ nadzvyčajnaje stanovišča na miažy ź Biełaruśsiu
Adpaviednaje rasparadžeńnie było padpisana kiraŭnikom dziaržavy ŭ čaćvier, paviedamiŭ na bryfinhu pres-sakratar polskaha lidara Błažej Spychalski.
«Tolki što prezident pryniaŭ rašeńnie vydać rasparadžeńnie ab uviadzieńni nadzvyčajnaha stanovišča», — skazaŭ jon.
Nadzvyčajnaje stanovišča z-za situacyi ź nielehałami ŭvodzicca na ŭčastku polska-biełaruskaj miažy na adlehłaści 3 km ad jaje. Hetaje rašeńnie zakranie 115 nasielenych punktaŭ u Padlaskim vajavodstvie i 68 — u Lublinskim.
U pryvatnaści, jano aznačaje zabaronu praviadzieńnia masavych i zabaŭlalnych mierapryjemstvaŭ, uzmocnienyja dziažurstvy palicyi, kantrol dakumientaŭ.
Rasparadžeńnie ŭstupaje ŭ siłu nieadkładna paśla publikacyi ŭ «Aficyjnym vieśniku» i budzie dziejničać na praciahu 30 dzion.
U hetyja nasielenyja punkty nie mohuć ujechać ludzi, jakija ŭ ich nie pražyvajuć — hetaja zabarona datyčyć i žurnalistaŭ. Tym, chto parušyć zabaronu ŭjezdu, pahražaje štraf abo aryšt u zaležnaści ad sudovaha rašeńnia.
