Były ministr Linkiavičus apublikavaŭ videa, jak biełaruskija pamiežniki honiać mihrantaŭ
Były ministr zamiežnych spraŭ Litvy Linas Linkiavičus apublikavaŭ videa, dzie śćviardžajecca, što biełaruskija pamiežniki sa ščytami honiać mihrantaŭ, jakija znachodziacca pamiž pamiežnymi słupami, u bok miažy Litvy.
«Mihranty byli ŭciahnutyja ŭ Biełaruś u jakaści turystaŭ, a ciapier ich prymusova šturchajuć na terytoryju ES. Ale jany razumiejuć, što dla hetaj afiery ŭžo pozna», — piša Linkiavičus.
U tielehram-kanale Dziaržaŭnaha mytnaha kamiteta paźniej źjaviŭsia kamientar nakont hetaha. U viedamstvie zajavili, što ŭsio adbyvałasia na minułym tydni.
«Na kadrach vidać, što ŭciekačy znachodzilisia la našaj miažy i nie ruchalisia ŭ Biełaruś navat pry adsutnaści biełaruskich pamiežnikaŭ. Heta dakazvaje toj fakt, što jany nie mieli namier ruchacca na terytoryju našaj krainy», - robić vysnovy Dziaržpamiežkamitet.
Dziejańni siłavikoŭ nazyvajuć «apieratyŭnym prykryćciom reziervam Smarhonskaj pamiežnaj hrupy dla «praduchileńnia niezakonnaha pierasiačeńnia miažy ź Litvy».
«Ź videa zrazumieła, što fizičnaja siła da ŭciekačoŭ biełaruskim bokam nie ŭžyvałasia», — zapeŭnivajuć u biełaruskim pamiežnym viedamstvie. Tam taksama paviedamili, što zamiežniki znachodziłasia la miažy kala 8 dzion paśla čaho syšli ŭ hłyb terytoryi Litvy.
