SAAZ pilna manitoryć novy štam kavidu — «miu»
Štam B.1.621, jaki moža nie reahavać na vakcyny, byŭ zafiksavany ŭ studzieni ŭ Kałumbii. Zaraz na jaho prychodzicca mienš za 0,1% vypadkaŭ chvaroby, ale štam usio roŭna chvaluje Suśvietnuju arhanizacyju achovy zdaroŭja (SAAZ).
Fota pixabay.com.
U noč z 31 žniŭnia na 1 vieraśnia stała viadoma, što SAAZ budzie zajmacca pilnym manitorynham novaha štama virusa kavidu — «miu». Hety varyjant chvaroby ŭpieršyniu byŭ zafiksavany ŭ Kałumbii ŭ studzieni. Za minuły čas jaho taksama znajšli ŭ pacyjentaŭ u inšych paŭdniovaamierykanskich krainach, a taksama ŭ Jeŭropie.
Kolkaść vypadkaŭ kavidu, vyklikanych hetym štamam, źniziłasia va ŭsim śviecie i składaje mienš za 0,1%, ale ŭ Paŭdniovaj Amierycy situacyja bolš surjoznaja. Tam novy štam sustrakajecca ŭsio čaściej: u Kałumbii razmova idzie pra 39% usich vypadkaŭ kavidu, a ŭ Ekvadory — pra 13%, piša Le Monde.
SAAZ udakładniaje, što štam B.1.621, abo «miu», maje mutacyi, jakija mohuć aznačać pavyšanuju ryzyku uchileńnia ad imunnaha adkazu, to bok mahčymaść taho, što štam nie budzie reahavać na vakcyny. Ekśpierty arhanizacyi padkreślivajuć, što patrebnyja novyja daśledavańni, kab udakładnić charaktarystyki štama.
Usie virusy, u tym liku i virus kavidu, ź ciaham času mucirujuć. Bolšaść mutacyj amal nie ŭpłyvajuć na virus, adnak niekatoryja ź ich mohuć zrabić chvarobu bolš ciažkaj abo, naprykład, paŭpłyvać na toje, jak virus uzajemadziejničaje z vakcynami. Zaraz SAAZ ličyć asabliva niebiaśpiečnymi piać štamaŭ kavidu, u tym liku takija, jak «alfa» i «delta». Štam «miu» i niekatoryja inšyja varyjanty zaraz znachodziacca pad pilnaj uvahaj arhanizacyi.
