Ukraina nakiravała partyju humanitarnaj dapamohi Litvie
Ukraina nakiravała Litvie, jakaja buduje płot na miažy ź Biełaruśsiu z-za mihracyjnaha cisku Minska, druhuju častku humanitarnaj dapamohi dla patreb pa biaśpiecy bałtyjskaj dziaržavy, piša Ukrajinśka pravda.
Bolš za 48 ton humanitarnaha hruzu adpravilisia 1 vieraśnia z Ukrainy ŭ Litvu ŭ ramkach druhoha etapu akazańnia dapamohi ŭ adpaviednaści z ukazam prezidenta Zialenskaha i rasparadžeńniem Kabinieta Ministraŭ. Usiaho etapaŭ budzie try.
Dapamoha budzie spryjać uzmacnieńniu achovy miežaŭ Litvy ad nielehalnych mihrantaŭ.
Pieršuju častku hruzu vahoj bolš za 38 ton, u tym liku partyju kalučaha drotu, dastavili i pieradali litoŭcam 14 žniŭnia hetaha hoda.
Litva pačała ŭzvodzić płot na miažy ź Biełaruśsiu ŭ suviazi z tym, što apošnija miesiacy rezka ŭzrasła kolkaść nielehalnych mihrantaŭ.