U mieniu školnikaŭ z 1 vieraśnia ŭklučać jajki pierapiołak
Z 1 vieraśnia ŭ mieniu staličnych škoł źjaviacca navinki, a stravy buduć rychtavacca na rapsavym alei.
Dyrektar Kambinata školnaha charčavańnia Nadzieja Łukaševič raskazała BiełTA pra navinki, jakija čakajucca ŭ školnym mieniu z 1 vieraśnia.
«My raspracavali i ŭžo atrymali acenku prykładnaha dvuchtydniovaha mieniu. Tam buduć novyja stravy, jość siezonnyja i kłasičnyja, jakija palubilisia dzieciam», — raspaviała Nadzieja Łukaševič.
Z navinak jana nazvała bitočki dalikatnyja, file kurynaje pad śmiatanna-syrnaj poliŭkaj (jano spadabałasia dzieciam u azdaraŭlenčych łahierach).
«Z 1 vieraśnia zapuskajem navinku — u śniadankach pierapiołčyny jajki. A taksama z novaha navučalnaha hoda my pracujem na biełaruskim rapsavym alei. Jon anałahičny aliŭkavamu, heta karysny pradukt», — kaža Nadzieja Łukaševič.
Jana zapeŭniła, što surjoznaha pavyšeńnia koštaŭ nie budzie, na kašalkach baćkoŭ novaŭviadzieńni ŭ mieniu asabliva nie adabjucca.
