U rajoncy źjaviŭsia artykuł, dzie pryziorka Alimpijskich hulniaŭ — 2016 vykazałasia ab Cimanoŭskaj. Spartsmienka: «Nikomu kamientaroŭ nie davała. Chłuśnia!»
U homielskaj rajonnaj haziecie «Majak» źjaviŭsia artykuł, dzie spartoŭcy vykazvajuć svajo mierkavańnie ab situacyi ź lohkaatletkaj Kryścinaj Cimanoŭskaj. Jość tam i kamientar pryziora Alimpijskich hulniaŭ u Rya-de-Žaniejra hamialčanki Maryi Mamašuk. Adnak u svaich sacyjalnych sietkach spartsmienka śćviardžaje, što heta chłuśnia.
«I ekśpiertam być nie treba, kab zrazumieć: psichałahična, dy i fizična Cimanoŭskaja, što havorycca, papłyła. Zrazumieła, što dapuskać da startu spartsmienku, jakaja na ŭvieś śviet dazvalaje sabie vykazvacca ŭ takim tonie i faktyčna vycirać nohi ab sport, zbornuju i krainu, było b niapravilna. Tamu trenierski štab pryniaŭ rašeńnie spynić vystupleńnie Kryściny Cimanoŭskaj na Hulniach u Tokia. Addača spartsmienaŭ — pakazać vyniki i prynieści miedali. Mnohija biełaruskija spartsmieny na Alimpijadach traŭmavalisia i ŭsio roŭna vystupali. A ŭčynak Kryściny absalutna niezrazumieły. U Tokia biahucha Cimanoŭskaja zapomnicca, na žal, nie spartyŭnymi vynikami. Choć mienavita za hetym jeduć na Alimpijskija hulni ŭsie tyja, kaho možna nazvać sapraŭdnymi atletami», — havorycca ŭ kamientary, padpisanym imiem Mamašuk.
U svaim Instagram Maryja Mamašuk apublikavała skrynšot artykuła i pakinuła zapis: «Nikomu kamientaroŭ z hetaj nahody ja nie vykazvała!!! Chłuśnia!!!»
