Viačorka: u najbližejšyja tydni ZŠA mohuć uvieści novyja sankcyi suprać Biełarusi
Daradca Śviatłany Cichanoŭskaj raspavioŭ NN, što ŭ najbližejšy čas ułady ZŠA mohuć uvieści novyja sankcyi suprać biełaruskaha režymu. Viačorka ličyć, što amierykanskija ŭłady buduć uličvać skandał z Kryścinaj Cimanoŭskaj.
«U najbližejšyja tydni ZŠA mohuć uvieści novyja sankcyi suprać biełaruskaha režymu. Ja dumaju, što kiejs ź Cimanoŭskaj budzie ŭličany. Novyja sankcyi taksama razhladaje Jeŭrasajuz, pavodle infarmacyi viarchoŭnaha pradstaŭnika Barela, — raspavioŭ surazmoŭca. — Nahodaŭ dla ŭviadzieńnia sankcyjaŭ chapaje: heta i prymusovaja pasadka samalota Ryanair u Minsku, i masavyja represii suprać niezaležnych ŚMI, i pierapraŭka nielehalnych mihrantaŭ u Litvu, i kiejs ź Cimanoŭskaj».
Franak Viačorka ličyć, što vyhnieńnie spartoŭki z Alimpijady «pavinna źniać ružovyja akulary z mnohich palitykaŭ».
«Biełaruskija ŭłady nie zdolnyja praličyć nastupstvy svaich dziejańniaŭ i robiać pamyłki. Zaraz my dabivajemsia, kab pytańnie Biełarusi było ŭźniata na Radzie biaśpieki AAN: pra heta my havaryli na minułym tydni z delehacyjami AAN u Ńju-Jorku».
Adznačym, što apytanyja NN palityčnyja ahladalniki ličać, što vyhnańnie Cimanoŭskaj z Tokia nie budzie mieć surjoznych nastupstvaŭ dla biełaruskaha režymu. Chutčej, varta čakać sankcyj suprać spartovych funkcyjanieraŭ, datyčnych da skandału.
