U Łatvii zaviali kryminalnuju spravu z-za pasadki ŭ Minsku samalota Ryanair
Łatvijskaja dziaržaŭnaja palicyja raspačała kryminalnuju spravu pa fakcie incydentu ŭ mai z samalotam Ryanair u Minsku.
Ab hetym piša delfi.lv sa spasyłkaj na łatvijskaje nacyjanalnaje ahienctva LETA.
U kancy maja łatvijskaja palicyja pačała viedamasnuju pravierku, adnak paźniej było pryniata rašeńnie ab pačatku kryminalnaha pracesu. Pravierka była pačata, bo na borcie samalota znachodzilisia dvoje hramadzian Łatvii.
Palicyja Łatvii pakul nie kamientuje, ci budzie heta sprava rasśledavana ŭ ramkach mižnarodnaha supracoŭnictva.
Kryminalnaja sprava zaviedziena pa raździele Kryminalnaha kodeksa ab złačynstvach suprać svabody, honaru i hodnaści. Hety raździeł źmiaščaje normy, jakija praduhledžvajuć adkaznaść za vykradańnie, niezakonnaje pazbaŭleńnie svabody i zachop zakładnikaŭ.
Samalot Ryanair rejsam Afiny — Vilnia byŭ prymusova pasadžany ŭ Minsku 23 maja. Na borcie znachodziŭsia žurnalist Raman Pratasievič. Jaho zatrymali razam z Safijaj Sapieha.
