Łukašenka zapatrabavaŭ ad novych rektaraŭ «paradku va ŭniviersitetach»
Pra heta jon zajaviŭ siońnia, prymajučy kadravyja rašeńni ab pryznačeńni novych rektaraŭ VNU, padkreśliŭšy, što ŭ pieršuju čarhu čakaje ad ich naviadzieńnia dyscypliny i paradku va ŭstanovach adukacyi, piša BiełTA.
«Z VNU my budziem raźbiracca, i vielmi surjozna. My z mnohimi rektarami VNU rasstalisia, bo asnoŭnaja biada — pryjšoŭ u kresła rektara, «ukinuŭsia» i zabyŭsia, što ŭ ciabie tysiačy maładych čałaviek, budučynia našaj krainy. Student — heta budučaja elita našaha hramadstva. Vynik my taksama ŭbačyli ŭ minułym hodzie».
Łukašenka aryjentavaŭ rektaraŭ u pieršuju čarhu na pracu sa studentami.
«Upraŭleńnie i arhanizacyja pracesaŭ — heta hałoŭnaje, — zajaviŭ jon. — Kali rektar na miescy, to i ŭ VNU budzie paradak.
Voś ja ad vas budu patrabavać pierš za ŭsio paradku ŭ univiersitecie. A ŭsim studentam, jakija da vas pryjduć, vy pavinny ŭbić u hałavu, što heta ich kraina».
Dadamo, što vosieńniu 2020 hoda mienavita ŭniviersitety stali centram pratestaŭ, 11 maładych ludziej i vykładčyca BDUIR Volha Fiłatčankava byli asudžanyja pa tak zvanaj «spravie studentaŭ».