Što rabić, kali ŭłady nie dajuć čytać NN? Raskazvajem, jak padklučyć VPN
U Biełarusi zaŭsiody jość ryzyka, što cikavuju vam navinu zabłakujuć. Vyrašyć hetuju prablemu dazvalaje VPN — biaśpiečny i biaspłatny sposab abyści błakavańnie. Zerkalo.io zrabiła padborku dziesiaci varyjantaŭ, jakija dobra pracujuć. Niekatoryja prapanujuć biaspłatnyja bonusy dla biełarusaŭ.
TunnelBear
Adzin z najlepšych biaspłatnych VPN-servisaŭ. Jon prosty i vielmi chutki. Dastatkova zarehistravacca na sajcie TunnelBear i ŭstalavać dadatak, kab adrazu pačać karystacca VPN bieź nieabchodnaści što‑niebudź naładžvać. Zaraz servis prapanuje 10 HB u miesiac dla ŭsich karystalnikaŭ u Biełarusi. Padklučycca možna da adnoj z 20 krain. TunnelBear dastupny jak na desktopach, tak i na mabilnych pryładach. Z adnaho akaŭnta možna karystacca servisam na piaci roznych devajsach.
Windscribe
Asnoŭny plus hetaha servisu — 10 HB biaspłatnaha trafiku ŭ miesiac (paśla paćviardžeńnia email) i mahčymaść vychadu ŭ internet praz 25 siervieraŭ u 11 krainach. Kab pavialičyć limit na 5 HB, treba apublikavać zapis u Twitter. Pry hetym za kožnaha karystalnika, zarehistravanaha pa vašaj spasyłcy, dadajecca jašče 1 HB. Dla rehistracyi nie patrebnyja asabistyja źviestki, servis zapytvaje tolki łahin i parol. Pry žadańni možna paznačyć svoj e-mail, kab atrymać dostup da akaŭnta, kali zabudziecie parol. Na hetuju ž poštu buduć prychodzić apaviaščeńni ab naličeńni novych limitaŭ trafiku. Biaspłatnaja viersija dazvalaje vykarystoŭvać servis tolki na adnoj pryładzie.
Speedify
Admietnaja rysa Speedify — heta maksimalna mahčymaja chutkaść internet-złučeńnia. Dasiahajecca jana dziakujučy abjadnańniu ŭsich dastupnych internet-padłučeńniaŭ. Da prykładu, pravadnoha internetu i mabilnaha złučeńnia pa 3G/4G. Navat pry najaŭnaści tolki adnaho typu złučeńnia možna pavialičyć chutkaść za košt unikalnych technałohij Speedify. Na vybar dastupna 30 siervieraŭ pa ŭsim śviecie. Abmiežavańnie pa trafiku — 2 HB u miesiac, karystacca VPN možna tolki na adnoj pryładzie.
Proton VPN
Davoli niadrenny VPN-servis, dastupny na ŭsich asnoŭnych płatformach. U biaspłatnaj viersii možna padłučacca z adnoj pryłady da siervieraŭ u troch krainach na vybar. Pry hetym niama nijakich łohaŭ i abmiežavańniaŭ na kolkaść trafiku, što navat važniej dla bolšaści karystalnikaŭ. Akramia adnačasovaj pracy ŭsiaho z adnoj pryłady, da minusaŭ možna adnieści adsutnaść padtrymki stryminhavych servisaŭ i torentaŭ. Dla ŭsiaho hetaha patrebna płatnaja padpiska.
Warp VPN
Dla jaho vykarystańnia treba ŭstalavać dadatak «1.1.1.1 + WARP VPN» dla pryład Android abo iOS. Karystalniki mohuć rekamiendavać servis i atrymlivać biaspłatna da 1 hihabajta trafiku Warp+ u miesiac. Kožny refierał, jaki adpaviadaje vyznačanym kryteram, dadaje 100 miehabajt trafiku da akaŭnta. Taksama Warp+ možna vykarystoŭvać na płatnaj asnovie.
Browsec
Jašče adzin VPN biez abmiežavańniaŭ pa trafiku, jaki dastupny ŭ vyhladzie mabilnaha dadatka i pašyreńnia dla papularnych braŭzieraŭ. Dziakujučy funkcyi Smart Settings moža aŭtamatyčna ŭklučacca tolki na vybranych sajtach, prapuskajučy astatni trafik napramuju. Biaspłatna hetaja fiška pracuje tolki dla adnaho sajta.
Ź inšych abmiežavańniaŭ — usiaho čatyry dastupnyja sierviery i chutkaść kala 20 Mbit/s suprać 100 Mbit/s u premium‑viersii.
HideMe
Prosty i nadziejny VPN, jaki pracuje na ŭsich dastupnych płatformach, uklučajučy małaraspaŭsiudžanyja AS i roŭtary. Navat u biaspłatnaj viersii HideMe šyfruje złučeńnie, pradastaŭlaje techpadtrymku karystalnikaŭ i nie reža chutkaść padklučeńnia. Ale jość i abmiežavańni: 10 HB trafiku ŭ miesiac, adnačasovy dostup tolki z adnoj pryłady i praca ź siervierami ŭsiaho ŭ piaci krainach. Pry hetym patokavyja servisy i torenty padtrymlivajucca.
SurfEasy
Zručny VPN-servis dla smartfonaŭ i kampjutaraŭ, jaki dapamoža lohka abyści rehijanalnyja abmiežavańni. SurfEasy dazvalaje vykarystoŭvać na biaspłatnym akaŭncie da piaci pryład adnačasova. Abmiežavańniaŭ pa chutkaści niama, ale jość limit na trafik: usiaho tolki 500 MB u miesiac. Akramia taho, servis pradastaŭlaje błakavańnie trekieraŭ rekłamy i pašyrany śpis siervieraŭ dla padłučeńnia, ale jany dastupnyja tolki pa płatnaj padpiscy.
Private Tunnel
Adzin akaŭnt dazvalaje pracavać z Private Tunnel na troch devajsach. Mahčymy vybar ź dzieviaci siervieraŭ. Pry hetym pradastaŭlajecca tolki 200 MB internet-trafiku ŭ miesiac. Kali limit vyčarpajecca, možna kupić pakiet na 20 abo 100 HB.
FCK_RKN VPN
Prajekt prapanuje ananimny VPN ź minimalnymi stratami ŭ chutkaści. Adzinaje, heta płatny servis.
