Daśledavańnie: Ad kavidu ŭ Indyi pamierła ŭ 10 razoŭ bolš ludziej, čym mierkavałasia raniej
Pavodle apošniaha daśledavańnia, realnaja kolkaść śmierciaŭ ad kavidu ŭ Indyi amal u 10 razoŭ pieravyšaje aficyjnyja danyja, piša The WSJ.
U Indyi aficyjna zarehistravana bolš za 414 000 śmierciaŭ ad kavidu, ale navukoŭcy i daśledčyki zajavili, što heta kolkaść zanižanaja. Kali zachvorvańnie ŭ Indyi dasiahnuła piku ŭ krasaviku i mai, balnicy pa ŭsioj krainie byli vymušanyja admaŭlać niekatorym pacyjentam, jakija paźniej pamierli doma. Farmalna jany pamierli nie ad kavidu, bo praz vysokuju nahruzku na miedykaŭ ich navat nie testavali.
U daśledavańni było zafiksavana istotnaje pieravyšeńnie śmiarotnaści adnosna siaredniaha pakazčyka —ad 3,4 da 4,7 miljona sa studzienia 2020 pa červień 2021 hoda.
«Realnaja kolkaść achviar, chutčej za ŭsio, składaje niekalki miljonaŭ, a nie sotni tysiač. Heta, mahčyma, najhoršaja trahiedyja ŭ Indyi z časoŭ abviaščeńnia niezaležnaści», — havorycca ŭ dakładzie.
