Piśmieńniku Uładzimiru Niaklajevu spoŭniłasia 75 hadoŭ
Biełaruski paet, prazaik i hramadska-palityčny dziejač Uładzimir Niaklajeŭ 9 lipienia adznačaje jubilej.
Uładzimir Niaklajeŭ
«Śviatkavać nie vypadaje, bo pałova tych, kaho chacieŭ by zaprasić na śviata, u turmie. Siabry (muzyki, aktory) prapanavali ŭsio ž niejak adznačyć jubilej.
Syhrać kala ścien Kreŭskaha zamka, dzie biehała majo dziacinstva, śpiektakl pa niadaŭna papisanaj dramie «Jahajła», ułady nie dazvolili. I zusim nie tamu, što niekali Jahajła pradaŭ Vialikuju Litvu za ŭładu.
Tym nie mienš jubilej ja adznačyŭ, dapisaŭšy pad jaho raman «Hej Ben Hinom». Heta moj samomu sabie na 75 hadoŭ padarunak. Što jašče treba čałavieku, sens žyćcia jakoha ŭ słovach?
Słovy, mova — nie pytańnie linhvistyki. Kali b było tak, słova nie było b, jak skazana ŭ Śviatym pisańni, napačatku ŭsiaho», — napisaŭ piśmieńnik u fejsbuku.