«Hazpram» patłumačyŭ admovu ad aŭkcyjonaŭ na pastaŭki hazu ŭ Jeŭropu
Na aŭkcyjonach, jakija adbylisia ŭ paniadziełak, 5 lipienia, «Hazpram» nie nabyŭ mahutnaści ŭ hazapravodach na pastaŭku hazu ŭ Jeŭropu praź Biełaruś, Polšču i Ukrainu na hod napierad (pačatak hazavaha hoda adličvajecca z 1 kastryčnika, kali startuje aciaplalny siezon), pakolki rynak daje mahčymaść «hnutka» braniravać ich na karotki termin. Pra heta RBK paviedamili ŭ pres-słužbie kampanii.
«Hazpram» nie braŭ udzieł u hetym aŭkcyjonie, uličvajučy «zabiaśpiečanaść hazatranspartnymi mahutnaściami pad biahučyja abaviazacielstvy kampanii i mahčymaści ich hnutkaha dadatkovaha braniravańnia na nastupnych, u tym liku karotkaterminovych aŭkcyjonach», — adznačyli ŭ pres-słužbie. Akramia hadavych aŭkcyjonaŭ, hruzaadpravicieli mohuć zabraniravać mahutnaść na kvartalnych i štomiesiačnych tarhach.
U Jeŭropie 5 lipienia prajšli aŭkcyjony braniravańnia miesca ŭ hazapravodach na hod napierad. Čakałasia, što «Hazpram» moža zabraniravać častku mahutnaściaŭ dadatkova da kantraktnych abaviazacielstvaŭ pa prapampoŭcy hazu praz Ukrainu, a taksama praź Biełaruś i Polšču na fonie pavyšanaha popytu ŭ Jeŭropie na haz dla zapaŭnieńnia padziemnych hazaschoviščaŭ i ŭ miežach padrychtoŭki da asieńnie-zimovaha siezonu.
