«Idzie vajna»: Łukašenka pravodzić naradu ab supraćdziejańni sankcyjam
Pra heta zajaviŭ siońnia Alaksandr Łukašenka na naradzie ab procidziejańni sankcyjnym mieram ES, piša BiełTA.
«Siońnia abmiarkujem pytańni reahavańnia na abmiežavalnyja miery kalektyŭnaha Zachadu ŭ dačynieńni da našaj krainy. My pavinny vypracavać stratehiju, jakaja dazvolić minimizavać ich efiekt i praciahnuć svajo raźvićcio. Ja ŭžo kazaŭ: nijakich razmoŭ ab tym, što my možam niedzie niedabrać, skaracić tempy, pryrost našaj ekanomiki. Pra heta havorki być nie moža. Idzie vajna», — padkreśliŭ Łukašenka.
«Dla nas hałoŭnaje — zrabić tak, kab nie paciarpieŭ biełaruski narod, — zajaviŭ jon. — Zadača ŭrada — praduhledzieć dziejsnyja miery dla kampiensacyi strat i zachavańnia pracoŭnych miescaŭ».
Jon taksama prakamientavaŭ situacyju na miažy. Pa słovach Łukašenki, Biełaruś zaŭsiody adkazna staviłasia da vykanańnia svaich abaviazacielstvaŭ u halinie jadziernaha nieraspaŭsiudu, baraćby ź nielehalnaj mihracyjaj, kantrabandaj, mižnarodnaj arhanizavanaj złačynnaściu.
«Siońnia my hetym zajmajemsia, ale roŭna nastolki, nakolki heta nieabchodna i vyhadna našaj krainie», — padkreśliŭ Łukašenka.