Letaś u Biełarusi źnieśli dva histaryčnyja abjekty z achoŭnaha śpisu FOTY
Naprykancy červienia ŭ Ministerstvie kultury prajšła čarhovaja kalehija. Na joj vystupiła Natalla Chvir, načalnik upraŭleńnia pa achovie historyka-kulturnaj spadčyny. Hazieta «Kultura» apublikavała vytrymki ź jaje dakłada.
Čynoŭnica pryviała dva prykłady znosu budynkaŭ.
Miascovy rajahraservis źnios budynak stajni rodu Śviatapołk-Mirskich u vioscy Kamienpolle Mijorskaha rajona.
Budynak stajni rodu Śviatapołk-Mirskich. Fota globustut.by
Letaś u vioscy Čyrvonaja Zorka Kleckaha rajona byli vysiečany 52 drevy na terytoryi parku i źniesienyja haspadarčyja budynki kanca XIX stahodździa na terytoryi pałacava-parkavaha ansambla «Radzivilimonty».
Haspadarčyja zbudavańni ŭ «Radzivilimontach». Fota Paŭła Dziusiekava
Čamu ž ich źnieśli?
Vakoł budynkaŭ nie byli ŭstalavanyja zony achovy — terytoryi, na jakich zabaronieny pracy.
Chvir adznačyła, što na hetyja padziei
pieršym adreahavaŭ Minkult. Pakul viedamstva nie ahučyła infarmacyju, na miescach da adkaznaści nichto nie pryciahvaŭsia.
Čynoŭnica pryvodzić prykład: u Dziaržaŭny śpis uklučana 5350 nieruchomych materyjalnych historyka-kulturnych kaštoŭnaściaŭ.
Prajekty achovy raspracavany tolki dla 1602 abjektaŭ spadčyny. Heta 31% ad ich ahulnaj kolkaści.
Sioleta płanujecca raspracavać tolki 16 novych prajektaŭ zon achovy.
Što prapanuje Natalla Chvir?
Kab u Kodeksie ab kultury była ŭklučana norma: zabieśpiačyć adlehłaść u 50 mietraŭ ad źniešnich miežaŭ terytoryi pomnika archieałohii. Taksama, kab raspracoŭka prajektaŭ zon achovy była abaviazkovaja dla vykanańnia.
Chvir kaža, što miascovyja ŭłady musiać arhanizoŭvać inviestycyjnuju i lubuju budaŭničuju dziejnaść ź biezumoŭnym vykanańniem režymaŭ prajektaŭ zon achovy.
«Jakija turysty? Heta ŭžo śpisany abjekt». Pad Miorami źnieśli aŭtentyčnuju kaniušniu, pabudavanuju 100 hod tamu
