Kavaleŭski patłumačyŭ, što aznačaje dypłamatyčnaja akredytacyja ofisa Cichanoŭskaj u Litvie
U MZS Litvy Śviatłanie Cichanoŭskaj uručyli paśviedčańnie ab dypłamatyčnaj akredytacyi. Što heta aznačaje?
«Našaj Nivie» adkazaŭ pradstaŭnik pa zamiežnych pytańniach ofisa Śviatłany Cichanoŭskaj, Valer Kavaleŭski.
«Najpierš, heta pryznańnie zakonnych padstavaŭ baraćby biełarusaŭ za svaje pravy, simvaličny krok, jaki zamacoŭvaje za Śviatłanaj Cichanoŭskaj status lidara demakratyčnych siłaŭ i padkreślivaje, što biełaruski narod pavinien pradstaŭlacca ludźmi, jakija adstojvajuć intaresy samoha naroda, a nie palityčnyja intaresy pryvatnaj asoby», — kaža Kavaleŭski.
«My viadziom pieramovy ab adkryćci takich pradstaŭnictvaŭ u roznych krainach.
Heta maje vyhladać amal jak paŭnavartasnaja dypłamatyčnaja praca, chiba što biez mahčymaści akazvać konsulskija pasłuhi: jurydyčnaja dapamoha biełarusam za miažoj, napracoŭka handlova-ekanamičnych kantaktaŭ, palityčnych kantaktaŭ, infarmavańnie zamiežnaj supolnaści ab situacyi ŭ Biełarusi.
Heta nieabchodnaść va ŭmovach, kali prastora dla dziejańnia aficyjnych pradstaŭnictvaŭ rezka skaročanaja.
Pakul što nie staić pytańnie ab tym, kab zabrać u aficyjnych pradstaŭnictvaŭ ich status ci budynki. Ale heta zaležyć ad taho, jak budzie siabie pavodzić režym u svaim staŭleńni da niepachisnych kaštoŭnaściaŭ niezaležnaści i suvierynitetu».
