Pa Minsku ŭ savieckija časy jeździli BČB-aŭtobusy — histaryčny FOTAFAKT
U sacyjalnych sietkach staŭ papularny fotazdymak bieł-čyrvona-biełaha aŭtobusa, jaki jeździŭ pa minskich vulicach. Tłumačym, jak jon trapiŭ u Biełaruś.
Havorka pra aŭtobus marki Ikarus 556. Jaho z 1962 hoda vypuskała vienhierskaja firma Ikarus. Tady ŭ hetaj krainie znachodzilisia va ŭładzie kamunisty. Niadziŭna, što aŭtobus pieravažna išoŭ u krainy tak zvanaha sacyjalistyčnaha łahiera (u tym liku ŭ SSSR).
Aŭtobusy hetaj marki, jakija pastaŭlalisia ŭ Saviecki Sajuz, farbavalisia ŭ bieły koler i mieli dźvie pałasy: čyrvonuju abo siniuju.
U Minsk aŭtobusy traplali ciaham troch hadoŭ, pačynajučy z 1970-ha. Admietnaściu aŭtobusa byŭ novy ruchavik, jaki źmienšyŭ šum u sałonie. Taksama miełasia troje dźviarej.
U aŭtobus mahło źmiaścicca bolš za sto čałaviek (u tym liku kala dvuch dziasiatkaŭ — siedziačy).
Z 1973 hoda ich pakrysie pačali źmianiać na aŭtobusy bolš sučasnaj madeli. Havorka pra Ikarus 260, jaki mieŭ žoŭty koler.
Jon jašče niekalki dziesiacihodździaŭ jeździŭ pa minskich vulicach. Mienavita hetyja žoŭtyja aŭtobusy — pieršaja asacyjacyja dla biełarusaŭ, kali havorka idzie pra «Ikarusy».
