Biełaruś padvysiła ekspartnyja myty na naftu i naftapradukty
Biełaruś z 1 lipienia padvysiła ekspartnyja myty na naftu i naftapradukty, jakija vyvoziacca za miežy mytnaj terytoryi Jeŭrazijskaha ekanamičnaha sajuza. Heta praduhledžana pastanovaj Savieta Ministraŭ ad 29 červienia 2021 hoda №366, paviedamlaje BiełTA.
Staŭki ekspartnych mytaŭ pavyšajucca na syruju naftu, mazut, bitum naftavy, vazielin i parafin, adpracavanyja naftapradukty — da $61,5 za 1 t (raniej — $58,8); pramahonny bienzin — $33,8 za 1 t (raniej — $32,3); tavarnyja bienziny, dyzielnaje paliva, lohkija, siarednija dystylaty, bienzoł, tałuoł, ksiłoły, alivy zmazačnyja — $18,4 za 1 t (raniej — $17,6).
Raniej staŭki vyvaznych mytaŭ u dačynieńni da syroj nafty i asobnych katehoryj tavaraŭ, vyrablenych z nafty, źmianialisia z 1 červienia. Tady jany taksama pavyšalisia.