Eks-hulec zbornaj Hiermanii zapuściŭ «Tinder dla futbalistaŭ»
Były hałkipier zbornaj Hiermanii Rene Adler zapuściŭ dadatak, jaki pryznačany dla dapamohi futbalistam u pošukach novaha kłuba.
Dadatak pad nazvaj 11TransFair dazvolić hulcam samastojna vystaŭlać zarpłatnyja patrabavańni, styl hulni i inšyja ŭmovy, usiaho praduhledžana bolš za 20 charaktarystyk. Akramia hetaha ŭ dadatku praduhledžany videazvanki, kab u kłubaŭ była mahčymaść paćvierdzić asobu hulca, piša RBK.
«Ja nazyvaju heta tinder dla futbalistaŭ i kłubaŭ, bo my złučajem dva baki taksama. Futbalisty samastojna kłapociacca pra budučyniu. Jany bolš nie chočuć całkam zaležać ad pracy svaich ahientaŭ», — skazaŭ Adler.
Paznačyć cikavaść da vyznačanaha varyjantu karystalnik zmoža, nacisnuŭšy na adpaviednuju knopku. U vypadku, kali cikavaść budzie ŭzajemnaj, baki atrymajuć mahčymaść pačać ŭzajemadziejańnie. Pavodle jaho słoŭ, futbalist i kłub atrymajuć mahčymaść zachoŭvać ananimnaść, pakul nie adbudziecca supadzieńnie intaresaŭ.
Dadatak budzie biaspłatnym, adnak u vypadku, kali ŭhoda adbudziecca, to kłub, jaki padpisaŭ kantrakt z futbalistam, pavinien budzie zapłacić kamisiju ŭ adpaviednaści z rekamiendacyjami FIFA.
Adler taksama adznačyŭ, što dadatak užo dastupny dla ŭstanoŭki na App Store i Google Play.
Na dumku eks-futbalista, dadatak dazvolić hulcam atrymać bolšuju kolkaść varyjantaŭ praciahu karjery, u tym liku za miažoj. «Hulcy zmohuć znajści najlepšyja varyjanty praciahu karjery», — adznačyŭ eks-futbalist.