Hienprakuror: Pradstaŭniki «ŁNR» nakont Pratasieviča nie źviartalisia
Pradstaŭniki «Łuhanskaj narodnaj respubliki» (ŁNR) nakont śledčych dziejańniaŭ z Ramanam Pratasievičam nie źviartalisia.
Pra heta paviedamiŭ žurnalistam hienprakuror Andrej Švied, piša BIEŁTA.
«Da nas aficyjna nichto nie źviartaŭsia», — skazaŭ jon.
Raniej pradstaŭniki «Hienprakuratury ŁNR» zajavili, što praviali «śledčyja dziejańni z Ramanam Pratasievičam».
U svaju čarhu staršynia SK Dźmitryj Hara 14 červienia zajaviŭ žurnalistam, što «nijakich zapytaŭ z-za miažy ab praviadzieńni śledčych dziejańniaŭ z Ramanam Pratasievičam nie pastupała».
Pa jaho słovach, kab pradstaŭniki lubych zamiežnych dziaržaŭ mahli ŭdzielničać u niejkich śledčych dziejańniach z Pratasievičam abo patrabavać vydačy, padstavaj źjaŭlajucca mižnarodnyja zapyty, chadajnictvy, daručeńni, «jakija nakiroŭvajucca ŭ adpaviednaści ź dziejučymi mižnarodnymi pravavymi aktami i na padstavie ŭnutranaha zakanadaŭstva».
Kiraŭnik «ŁNR» zajaviŭ pra kantakty ź Minskam u spravie Pratasieviča
Hienprakuratura «DNR» pačała pravierku ŭdziełu Ramana Pratasieviča ŭ bajavych dziejańniach na Danbasie
Ukraina prosić tłumačeńniaŭ ad Biełarusi adnosna tak zvanych «śledčych dziejańniaŭ ŁNR» z Pratasievičam
