Łukašenka — Zachadu: Chočacie vyprabavać miežy na tryvałaść? Davajcie pasprabujem
Jeŭrapiejskija partniory čakajuć ad Biełarusi dapamohi ŭ baraćbie ź nielehalnaj mihracyjaj, adnak u Jeŭropu biahuć žychary krain, źniščanych Zachadam. Ab hetym 22 červienia zajaviŭ Łukašenka.
— Siońnia jany zavyli: ach, biełarusy ich nie abaraniajuć. Jany patrabujuć ad nas abaranić ich ad kantrabandy, ad narkotykaŭ. Až z-za Atłantyki čutny sihnał: dapamažycie, jak heta było raniej, zatrymajcie jadziernyja materyjały, kab jany nie patrapili ŭ Jeŭropu, — skazaŭ A. Łukašenka. — Tak i chočacca spytać: vy što tam, ačumieli naohuł? Vy suprać nas raźviazali hibrydnuju vajnu i patrabujecie ad nas, kab my vas abaraniali, jak i raniej? Vy nas infarmacyjna dušycie, mietadyčna i kalektyŭna, burycie, sprabujecie zabić našu ekanomiku i čakajecie, što my budziem marnavać sotni miljonaŭ dalaraŭ, jak i raniej, na abaronu vašych hieapalityčnych intaresaŭ? Tolki varjaty mohuć tak dumać i raźličvać na našu padtrymku.
Łukašenka taksama źviarnuŭsia da krain ES z pytańniem, ź jakoj metaj jany ŭvodziać sankcyi suprać Biełarusi.
— Tak i chočacca spytać: vy što, śpiecyjalna heta robicie? Chočacie vyprabavać miežy na tryvałaść, a novaje pakaleńnie biełarusaŭ na patryjatyčnaść? Davajcie pasprabujem, — skazaŭ Łukašenka.
