Ułady pačali pravierku Biełaruskaj asacyjacyi žurnalistaŭ
Ministerstva justycyi raspačało manitorynh dziejnaści HA «Biełaruskaja asacyjacyja žurnalistaŭ». U liście, jaki pryjšoŭ na adras arhanizacyi ŭ paniadziełak, idzie razmova pra pradastaŭleńnie va Upraŭleńnie pa pytańniach dziejnaści niekamiercyjnych arhanizacyj tysiač dakumientaŭ za pieryjad z 1 studzienia 2018 hoda i pa siońnia.
Siarod taho, što prapanujecca pradastavić u Miniust, — śpisy siabraŭ žurnalisckaha abjadnańnia, zajavy na ŭstupleńnie ŭ BAŽ, pratakoły pasiadžeńniaŭ vybarnych orhanaŭ, usie ŭvachodnyja i vychodnyja listy za hety čas, usia finansavaja dakumientacyja i mnohaje inšaje.
Admietna, što zapyt Ministerstva justycyi datavany 9 červienia, ale byŭ atrymany arhanizacyjaj tolki siońnia. I ŭžo siońnia było prapanavana pradastavić dakumienty. Ciapier pradstaŭnik Miniusta paviedamiŭ, što dakumienty BAŽ ŭ viedamstvie čakajuć da ranicy sierady, 23 červienia.
HA «Biełaruskaja asacyjacyja žurnalistaŭ» abjadnoŭvaje ŭ svaich šerahach bolš za 1300 žurnalistaŭ, redaktaraŭ, fatohrafaŭ, vydaŭcoŭ i inšych asob, źjaŭlajecca pryznanym na mižnarodnaj arenie abjadańniem, siabram Mižnarodnaj i Jeŭrapiejskaj fiederacyi žurnalistaŭ.