Prajeŭrapiejskaja partyja ź vialikim adryvam lidziruje na vybarach u Armienii
Vykonvajučy abaviazki premjer-ministra Armienii Nikoł Pašynian zajaviŭ pra pieramohu svajoj partyi «Hramadzianski dahavor» na daterminovych vybarach u parłamient 20 červienia, paviedamlaje «Azatuciun».
Paśla apracoŭki prykładna 80% biuleteniaŭ Centralnaja vybarčaja kamisija zajaviła, što partyja «Hramadzianskaja damova» atrymała 55,3% hałasoŭ. Hałoŭny kankurent kirujučaj partyi — błok «Ajastan» byłoha prezidenta Robierta Kačarana — idzie na druhim miescy z 20,3% hałasoŭ.
Na trecim miescy apazicyjny błok byłoha prezidenta Sierža Sarhsiana «Honar maju» z 5,2% hałasoŭ. Zhodna z armianskim zakanadaŭstvam, błokam patrebna nabrać nie mieniej za 7% hałasoŭ, kab być pradstaŭlenymi ŭ Nacyjanalnym schodzie.
Pavodle źviestak CVK, inšaja apazicyjnaja siła, partyja «Kvitniejučaja Armienija», nabiraje mienš za 5%, što źjaŭlajecca paroham dla partyj dla prachodžańnia ŭ parłamient.
Astatnija partyi i błoki (usiaho ŭ vybarach udzielničali 25 palityčnych sił) nabirajuć našmat mienš hałasoŭ, čym nieabchodna dla prachodžańnia ŭ parłamient.
Partyja Pašyniana ličycca prajeŭrapiejskaj, a Kačarana — prarasijskaj. Armienija ŭ cełym zastajecca całkam zaležnaj ad rasijskaj vajskovaj dapamohi, rasijskija vojski achoŭvajuć miežy krainy.
