Na M1 pad Barysavam dziaŭčyna vyjechała na sustrečku — troje zahinułych u sustrečnym aŭto
Avaryja adbyłasia ŭviečary 20 červienia na trasie M1 kala vioski Stai Barysaŭskaha rajona. Tut 25-hadovaja kiroŭca «Miersiedesa» vyjechała na sustrečku i sutyknułasia z sustrečnym «Fordam».
U vyniku avaryi zahinuli 24-hadovy kiroŭca «Forda» i dvoje jaho pasažyraŭ.
Dziaŭčynu z «Miersiedesa» i jaje muža špitalizavali.
«Jechali prosta za «Fordam», 100 mietraŭ. Prosta žeść, u šoku da hetaha času i ja, i žonka. Chłopiec u «Miersiedesie» kazaŭ, što spaŭ. Mahčyma, jaho dziaŭčyna taksama zasnuła. Chłopčyku, jakomu zaščymiła ruku ŭ «Fordzie» i jaki, mabyć, adziny z mašyny žyvy — zdaroŭja… Ja nie viedaju, jak jamu heta pieražyć. U nas siońnia druhi dzień naradžeńnia, tamu što nastupnyja na trasie byli my… Nu i adsutnaść aharodž — heta prosta pi*iec. Jak ja nienavidžu karupcyju, praź jaje 3 čałavieki nie viarnulisia siońnia», — napisaŭ karystalnik foruma Onliner.
Zaviedzienaja kryminalnaja sprava pa častcy 3 artykuła 317 Kryminalnaha kodeksa — parušeńnie praviłaŭ darožnaha ruchu, jakoje pryviało pa nieaściarožnaści da śmierci dvuch i bolš asobaŭ. Adkaznaść — ad 3 da 7 źniavoleńnia.
