U samaha niedanošanaha dziciaci ŭ śviecie prajšoŭ pieršy dzień naradžeńnia
Daktary nie davali šansaŭ, što chłopčyk vyžyvie.
Dzicia, jakoje pry naradžeńni važyła 312 hramaŭ, zdoleła vyžyć. Niadaŭna ŭ chłopčyka prajšoŭ pieršy dzień naradžeńnia.
Ryčard Chatčynsan naradziŭsia na piać miesiacaŭ raniej za termin, i, zhodna z knihaj rekordaŭ Hinesa, jon byŭ pryznany samym niedanošanym dziciom u śviecie. Daktary rychtavali baćkoŭ dziciaci da taho, što chłopčyk nie vyžyvie, piša CNN.
Kali Ryčard źjaviŭsia na śviet u klinicy ŭ amierykanskim štacie Miniesota, jon byŭ takim maleńkim, što baćki mahli trymać jaho na dałoni. U jaho maci ŭźnikli prablemy sa zdaroŭjem, praź jakija daktary byli vymušanyja vyklikać zaŭčasnyja rody — na 131 dzień raniej za termin. Pierad rodami daktary papiaredžvali budučych baćkoŭ, što šansy na vyžyvańnie dziciaci składajuć 0%.
Paśla naradžeńnia chłopčyk pravioŭ u špitali bolš za paŭhoda. Praz pandemiju kavidu baćki nie mahli zastavacca z Ryčardam u špitali, tamu jany pryjazdžali da dziciaci kožny dzień ź inšaha štata. U śniežni baćkam narešcie dazvolili zabrać chłopčyka dachaty.
