Na staličnych stajankach ciapier pad achovu možna stavić i elektrasamakaty
Z 1 červienia na achoŭnych aŭtastajankach stalicy akramia aŭtamabilaŭ, matacykłaŭ i rovaraŭ možna pakidać taksama elektrasamakaty. Pra heta raspavioŭ hałoŭny inžynier HA «Haražy, aŭtastajanki i parkoŭki» Alaksandr Butkievič, paviedamlaje «Minsk-Naviny».
Košt pasłuhi — 7 rubloŭ u miesiac, jak dla rovaraŭ. Što tyčycca aŭtatranspartu, to miesiac zachoŭvańnia lehkavoha aŭtamabila fizičnaj asobie budzie kaštavać 42 rubli.
— U rasparadžeńni našaha abjadnańnia znachodziacca 108 achoŭnych aŭtastajanak, raźličanych na 27 tys. mašyna-miescaŭ, — udakładniŭ Butkievič. — Kala 8 tys. mašyna-miescaŭ zastajucca svabodnymi, u tym liku na terytoryi takich hustanasielenych rajonaŭ, jak Frunzienski i Maskoŭski. Volnyja miescy jość u Sucharavie, Kamiennaj Horcy i inš.
