Prapampoŭku nafty ŭ kirunku Polščy spynili na čatyry dni: raboty na «Družbie»
«Homieltransnafta» spyniaje na čaćviora sutak prapampoŭku nafty ŭ napramku Adamavaj Zastavy (Polšča) dla praviadzieńnia rabot na biełaruskim učastku naftapravoda «Družba».
transoil.by
Pra heta paviedamiŭ žurnalistam aficyjny pradstaŭnik «Transnafty» Ihar Dziomin, piša TASS.
«Z 12:00 siońniašniaha dnia «Homieltransnafta» spyniaje transparciroŭku na 96 hadzin u napramku Adamavaj Zastavy dla praviadzieńnia rehłamientnych rabot na biełaruskim učastku «Družby», — skazaŭ jon.
8 červienia paviedamlałasia, što «Transnafta» karektuje hrafik pastavak nafty pa naftapravodzie «Družba» z-za źnižeńnia prapampoŭki nafty praz NPS Budkavicy (Słavakija) na fonie techničnych prablem u adnaho sa spažyŭcoŭ. Čakajecca, što prapampoŭka nafty praz NPS budzie źnižana na praciahu dvuch sutak.
Naftapravod «Družba» zabiaśpiečvaje pastaŭki nafty na biełaruskija NPZ i jaje tranzit u Jeŭropu. Trubapravod biare svoj pačatak u Samarskaj vobłaści, prachodzić praz Bransk i dalej dzielicca na dva ŭčastki: paŭnočny i paŭdniovy, jaki prachodzić praź Biełaruś, Ukrainu, Polšču, Čechiju, Słavakiju, Hiermaniju, Vienhryju, Łatviju, Litvu.
