Minskaje «Junactva» pazbavili prava ŭdziełu ŭ chakiejnaj Lizie čempijonaŭ
Raniej supierniki minskaj kamandy admovilisia ad pajezdak u Biełaruś na matčy.
belarushockey.by
Kiraŭnictva Chakiejnaj Lihi čempijonaŭ (CHL) abviaściła pra vyklučeńnie biełaruskaha kłuba «Junactva» (Minsk) sa składu ŭdzielnikaŭ turniru ŭ siezonie-2021/22. Pra heta paviedamlaje pres-słužba CHL, piša TASS.
«Paśla niadaŭnich incydentaŭ u Biełarusi i źviazanaj ź imi reakcyi ź niepradkazalnymi nastupstvami pajezdki ŭ Minsk stali ciažkimi. Papiaredniaj umovaj dla našaha ahulnajeŭrapiejskaha spabornictva źjaŭlajecca toje, što kamandy, zaŭziatary, aficyjnyja asoby mohuć padarožničać i zastavacca ŭ krainie ŭ biaśpiecy. Na žal, u ciapierašni čas heta nie raspaŭsiudžvajecca na pajezdki ŭ Biełaruś i ź Biełarusi. Praŭleńnie CHL vyrašyła, što ŭdzieł Biełarusi ŭ siezonie-2021/22 Lihi čempijonaŭ na siońniašni dzień źviazany z zanadta vialikaj kolkaściu niepradkazalnych faktaraŭ dla ŭsich zacikaŭlenych bakoŭ i wild card («śpiecyjalnaje zaprašeńnie») dla čempijona krainy «junactva» pavinien być admienieny», — havorycca ŭ zajavie.
Rašeńnie ab tym, chto zojmie miesca minskaha kłuba ŭ składzie ŭdzielnikaŭ Lihi čempijonaŭ nastupnaha siezona, budzie pryniata paźniej.