Vučonaja rada Kijeŭskaha ŭniviersiteta imia Šaŭčenki pazbaviła Łukašenku zvańnia hanarovaha doktara
Vučonaja rada Kijeŭskaha nacyjanalnaha ŭniviersiteta imia Šaŭčenki pazbaviła Alaksandra Łukašenku zvańnia hanarovaha doktara. Heta zvańnie jon atrymaŭ jašče pry prezidenctvie Viktara Juščanki.
Kijeŭski nacyjanalny ŭniviersitet maje bolš za 80 hanarovych daktaroŭ. Heta pieršy vypadak u historyi ŭniviersiteta.
Jak paviedamili Bi-bi-si Ukraina krynicy, blizkija da kiraŭnictva ŭniviersiteta, za pazbaŭleńnie Łukašenki zvańnie hanarovaha doktara členy Vučonaj rady hałasavali ŭ tajemnym režymie.
Vypadak pazbaŭleńnia zvańnia raniej byŭ u Kijeva-Mahilanskaj akademii. U 2004 hodzie, padčas Pamarančavaj revalucyi, jana zabrała jaho ŭ Leanida Kraŭčuka.
Dla taho, kab pazbavić zvańnia hanarovaha doktara, Vučonaja rada KNU uniesła źmieny ŭ paradak pradastaŭleńnia hetaha zvańnia, pakolki da hetaha času miechanizmu nie isnavała.
