Praŭładny Sajuz žurnalistaŭ chočuć vyklučyć ź Mižnarodnaj fiederacyi
«Naš Administracyjny kamitet rekamiendavaŭ prypynić členstva Biełaruski sajuz žurnalistaŭ. Žurnalisty zasłuhoŭvajuć samaj poŭnaj padtrymki ŭ hetyja krytyčnyja časy. Vyzvalicie źniavolenych žurnalistaŭ!» — źviartajucca pradstaŭniki Mižnarodnaj fiederacyi žurnalistaŭ u tvitary.
Nahadajem, u lutym 2020 hoda praŭładny Biełaruski sajuz žurnalistaŭ (BSŽ) uznačaliŭ palityčny ahladalnik BT Andrej Kryvašejeŭ.
Mižnarodnaja fiederacyja žurnalistaŭ (IFJ) — najbujniejšaja ŭ śviecie arhanizacyja prafiesijnych miedyjščykaŭ, jakaja isnuje z 1926 hoda. Jaje štab-kvatera znachodzicca ŭ Brusieli.
Siońnia jana pradstaŭlaje kala 600 tysiač žurnalistaŭ z bolš čym 139 krain śvietu. IFJ abaraniaje sacyjalnyja i prafiesijnyja pravy žurnalistaŭ, jakija pracujuć u drukavanaj i anłajn-presie.
Arhanizacyja maje kansultatyŭny status u JUNIESKA, Mižnarodnaj arhanizacyi pracy, Suśvietnaj arhanizacyi intelektualnaj ułasnaści, Kamitecie pa pravach čałavieka, a taksama ŭ Saviecie Jeŭropy i inšych mižnarodnych strukturach.
