U Breście ŭ chakieista spyniłasia serca padčas matča, jaho vyratavali miedyki
U Breście 1 červienia padčas matču finalnaj sieryi čempijanatu Biełarusi pa chakiei na travie pamiž «Budaŭnikom» i CHK «Minsk» u 29-hadovaha hulca spyniłasia serca. Spartsmiena špitalizavali, paviedamlaje BiełTA.
Na poli stała drenna hulcu «Budaŭnika» Jaŭhienu Michiejčyku, jon straciŭ prytomnaść. Bryhada chutkaj miedycynskaj dapamohi kanstatavała spynieńnie serca. Reanimacyju praviali na poli, zatym spartsmiena advieźli ŭ balnicu chutkaj dapamohi. Ciapier Jaŭhien znachodzicca ŭ reanimacyjnym adździaleńni. Jaho stan stabilny: razmaŭlaje, samastojna dychaje, uśviedamlaje, chto jon i što ź im adbyłosia. Pryznačana pahłyblenaje abśledavańnie, pa jaho vynikach budzie zrazumiełaja pryčyna taho, što adbyłosia.
Jaŭhien Michiejčyk u mai prajšoŭ ahlad u abłasnym dyspansiery spartyŭnaj miedycyny, patałohij nie było vyjaŭlena.
Hulec «Budaŭnika» taksama vystupaje ŭ nacyjanalnaj zbornaj Biełarusi pa chakiei na travie.