Abama raskazaŭ, ci jość u ZŠA sakretnyja łabaratoryi ź inšapłanietnikami i NŁA
Były prezident ZŠA Barak Abama raspavioŭ, što ŭ sakretnych archivach Pientahona zachoŭvajucca fota tak zvanych latučych talerak, pryncyp ruchu jakich nie paddajecca tłumačeńniu. Pra heta jon zajaviŭ u šou Džejmsa Kordena na amierykanskim TB.
Pa słovach Abamy, staŭšy prezidentam, jon pacikaviŭsia, ci jość u ZŠA sakretnyja łabaratoryi ź inšapłanietnikami i ich kaśmičnymi karablami.
«Jany (supracoŭniki administracyi. — RBK) praviali nievialikaje rasśledavańnie i dali admoŭny adkaz», — dadaŭ jon pad śmiech hledačoŭ.
U toj ža čas Abama zajaviŭ, što ŭ Złučanych Štatach isnujuć zdymki latučych abjektaŭ niavyśvietlenaha pachodžańnia. «My nie možam rastłumačyć, jak jany ruchalisia, ich trajektoryju», — adznačyŭ eks-prezident.
Raniej Minabarony ZŠA apublikavała kadry, na jakich z vajskovych samalotaŭ byli źniatyja «nieapaznanyja źjavy»: abjekty, vonkava nie byli padobnyja ni da jakich viadomych latajučych aparataŭ. Donald Tramp, prezident na toj momant, zajaviŭ, što, niahledziačy na paviedamleńni lotčykaŭ, sam jon sumniajecca ŭ isnavańni NŁA.