Imia jašče adnaho miehapapularnaha vykanaŭcy źnikła z afiš «Słavianskaha bazaru»
Aleh Vińnik i Elina Ivaščanka źnikli z prahramy «Słavianskaha bazaru ŭ Viciebsku». Ivaščanka pradstaŭlała Ukrainu letaś i zaniała pieršaje miesca ŭ konkursie maładych vykanaŭcaŭ, a taksama atrymała premiju Alaksandra Łukašenki «Słavianskaja nadzieja». Pra heta paviedamlajuć «Narodnyja naviny Viciebska».
Ukrainskija vykanaŭcy Vińnik i Ivaščanka, jakija niadaŭna pradstavili sumiesny trek «Diamanti», byli zajaŭleny ŭ hała-kancercie ŭračystaha zakryćcia fiestyvalu, adnak ciapier ich u afišy «Słavianskaha bazaru» niama.
Ni va ŭkrainskaj presie, ni na aficyjnych staronkach Aleha Vińnika i Eliny Ivaščanka nijakich paviedamleńniaŭ ab tym, što jany admovilisia ad vystupu ŭ Viciebsku, znajści nie ŭdałosia.
Intryhi dadaje toj momant, što maładaja śpiavačka ŭ minułym hodzie brała ŭdzieł u konkursie maładych vykanaŭcaŭ «Viciebsk-2020». Pry hetym jana nie tolki zaniała pieršaje miesca, ale i stała łaŭreatkaj śpiecyjalnaj premii Alaksandr Łukašenki «Słavianskaja nadzieja». A sam Vińnik vystupaŭ na fiestyvali ŭ 2018 hodzie, vykładaŭ fota ź Viciebska ŭ svaim instahramie.
