«Biełnaftachim» i azierbajdžanskaja kampanija SOCAR damovilisia pra sumiesnuju realizacyju biełaruskich naftapraduktaŭ
«Biełnaftachim» i SOCAR padpisali miemarandum ab uzajemarazumieńni, paviedamili ŭ pres-słužba kancerna «Biełnaftachim» u sieradu, piša Interfaks.
«U miemarandumie ahavorvajecca supracoŭnictva ŭ halinie realizacyi vyrablenych u Respublicy Biełarusi naftapraduktaŭ, u tym liku sumiesna ź biełaruskimi eksparciorami, uzajemadziejańnie pa realizacyi sumiesnych inviestycyjnych prajektaŭ, a taksama supracoŭnictva ŭ realizacyi SOCAR naftapraduktaŭ na ŭnutranym rynku Respubliki Biełarusi», — udakładnili ŭ pres-słužbie.
U kancernie padkreślili, što miemarandum praduhledžvaje pašyreńnie mahčymaściaŭ bakoŭ u halinie vytvorčaści i realizacyi nafty i naftapraduktaŭ.
«Asnoŭnyja napramki supracoŭnictva aryjentavanyja na palapšeńnie ŭzajemadziejańnia ŭ śfiery arhanizacyi pastavak azierbajdžanskaj nafty ŭ Biełaruś, a taksama aktyvizacyi dyjałohu pamiž vytvorcami i spažyŭcami vuhlevadarodnych resursaŭ, techničnaha aŭdytu na biełaruskich naftapierapracoŭčych zavodach z metaj pavyšeńnia efiektyŭnaści», — raspaviali ŭ pres-słužbie.
Miemarandum ab uzajemarazumieńni pamiž Biełaruskim dziaržaŭnym kancernam pa nafcie i chimii i dziaržaŭnaj naftavaj kampanijaj Azierbajdžanskaj Respubliki (SOCAR) padpisany 14 krasavika 2021 hoda. Podpisy pad dakumientam pastavili staršynia kancerna «Biełnaftachim» Andrej Rybakoŭ i prezident SOCAR Raŭnah Abdułajeŭ.
