Muzyka zorak. Pasłuchajcie, jak sučasnyja technałohii pieratvaryli kosmas u miełodyi
Elektronnyja ałharytmy pieratvaryli charaktarystyki niabiesnych ciełaŭ u muzyku.
Jandeks.Muzyka pradstaviła płejlist-audyjapadarožža «Muzyka zorak». Padarožža pačynajecca ad Sonca i skančajecca la zvyšmasiŭnaj čornaj dzirki ŭ centry hałaktyki M87 na adlehłaści 53,5 miljona śvietłavych hadoŭ ad Ziamli. Padčas padarožža možna pačuć, jak «hučać» roznyja niabiesnyja cieły: zorki, pulsary i cełyja hałaktyki, daviedacca pra ich bolš z kamientaroŭ navukoŭcaŭ i navat ujavić, jak jany vyhladajuć — dla kožnaha treka zroblenyja videašoty, nievialikija zacyklenyja videa. Asablivaść płejlista ŭ tym, što zorki i hałaktyki sami stali suaŭtarami muzyki: kožny trek składzieny na asnovie ich unikalnych paramietraŭ, jakija pieraŭtvaryli ŭ muzyku z dapamohaj ałharytmaŭ.
Pieratvaryć danyja ŭ miełodyi Jandeks.Muzycy dapamahli mietady sanifikacyi. Ź jarkaści, ruchu i inšych charaktarystyk niabiesnych ciełaŭ vyłučyli častatu i amplitudu — toje, što možna vykarystoŭvać jak paramietry huku. Kožny paramietr vyražajecca kolkasna, i z dapamohaj tablicy hetyja ličby supastavili z peŭnymi notami. Paśla padabrali harmaničnyja ruchi, instrumienty i efiekty — i ŭ vyniku atrymalisia 10 skončanych tvoraŭ. Padarožža skančajecca bonusnym epizodam, u jakim muzyki, prahramisty, astranomy i ekśpierty raskazvajuć, jak možna źviazać technałohii i tvorčaść.
Kožny trek adlustroŭvaje unikalnyja charaktarystyki svajho niabiesnaha cieła. Naprykład, u treku «Sonca» vykarystoŭvalisia danyja ab pieryjadyčnaści vybuchaŭ na Soncy za apošnija 60 hadoŭ — ź ich atrymałasia miełodyja. Trek «Zacmiennaja», pryśviečany dvajnoj zornaj sistemie Beta Liry, napisany ŭ pamiery valsa: u sistemie zorki kruciacca vakoł adna adnoj, hetak ža i ŭ treku adna miełodyja źmianiaje druhuju. U treku «Hałaktyka», hierojem jakoha stała hałaktyka NGC 2442 u suzorji Latučaj Ryby, vykarystoŭvaŭsia efiekt śpiektralnaha sintezatara, jaki atrymaŭ na ŭvachod fatahrafiju hałaktyki i na jaje asnovie zhienieravali huki dla kampazicyi.
Płejlist «Muzyka zorak» byŭ stvorany kamandaj Jandeks.Muzyki pry ŭdziele astrafizikaŭ. U prajekcie vykarystoŭvalisia dadzienyja prajekta «Radyjaastron» Astrakaśmičnaha centra FIAN, Amierykanskaj asacyjacyi naziralnikaŭ pieramiennych zorak (AAVSO), Centra prahnazavańnia kaśmičnaha nadvorja (SWPC), Raskosmasu i NASA.
Płejlist «Muzyka zorak» možna pasłuchać na Jandeks.Muzycy i ŭ pošuku Jandeksa.
