Na vychodnych u Minsku z razmacham praviaduć Maślenicu. Sa spalvańniem pudziła kala Pałaca sportu
Z 12 da 14 sakavika la Pałaca sportu projdzie śviata «Minskaja Maślenica». Haściej čakajuć masa zabaŭ, smačnaja ježa i viasiołyja hulni, paviedamlaje telehram-kanał «Minsk. Aficyjna».
Tut.by
U prahramie — vystava-kirmaš vyrabaŭ majstroŭ narodnaj tvorčaści, budzie pracavać kala 30 punktaŭ hramadskaha charčavańnia stalicy. U asnoŭnym prapanoŭvać buduć bliny z roznymi načynkami, mačanku, draniki, vuchu na vohniščy, šašłyki dy inš.
U subotu z 13.00 da 16.00 budzie pracavać vosiem zabaŭlalnych placovak dla haściej luboha ŭzrostu.
Siarod ich:
«Zimovaja pieč». Udzielnikam hetaj zabavy treba z zaviazanymi vačyma dastać viłkami ź piečy čyhunok.
«Maśleničnyja areli» — draŭlanyja areli: čym vyšej uźlataješ na ich, tym chutčej pryjdzie viasna.
«Koła žadańniaŭ» — usie achvotnyja zmohuć zahadać žadańnie, zaviazaŭšy stužačku i pakruciŭšy draŭlanaje koła.
«Brama prymireńnia» — zakachanyja pary zmohuć prajści praz razmalavanuju bramu prymireńnia, paprasić adno ŭ adnaho prabačeńnia i trojčy pacałavacca, dy inšyja zabavy.
Tradycyjny abrad spalvańnia pudziła Maślenicy stanie kulminacyjaj śviata ŭ subotu i pačniecca ŭ 16.30.
Režym pracy kirmašu 12—14 sakavika z 10.00 da 20.00.
Kulturnaja prahrama zapłanavana: u piatnicu — z 17.00 da 19.00; u subotu (hałoŭny dzień śviata) — z 12.00 da 17.00; u niadzielu — z 14.00 da 17.00.
Taksama buduć mierapryjemstvy ŭ roznych rajonach horada.
