Pahladzicie, jakuju niezvyčajnuju avanhardnuju manietu vypuściŭ Nacbank FOTA
Nacbank ad siońnia vypuskaje ŭ abaračeńnie pamiatnyja maniety «Vyjaŭlenčaje mastactva. Avanhard. UNOVIS»:
— srebnuju — naminałam 20 rubloŭ, vahoj 33,63 h, probaj spłavu 925, dyjamietram 38,61 mm, tyražom 999 štuk;
— miedna-nikielevuju — naminałam 1 rubiel, vahoj 20,00 h, dyjamietram 37,00 mm, tyražom 1 699 štuk.
UNOVIS («Utvierditieli novoho iskusstva») — avanhardnaje mastackaje abjadnańnie, stvoranaje Kazimiram Malevičam u Viciebsku ŭ 1920 h.
Maniety majuć uvahnuta-vypukłuju formu, ź piaredniaha i advarotnaha bakoŭ — kant, jaki vystupaje pa akružnaści. Bakavaja pavierchnia maniet z nasiečkaj.
Aviers: uviersie — vidarys Dziaržaŭnaha hierba; u centry — stylizavanaja kampazicyja, jakaja ŭklučaje QR-kod, proźviščy členaŭ avanhardnaha mastackaha abjadnańnia UNOVIS, stvoranaha ŭ 1920 h. u Viciebsku, hod i miesca jaho zasnavańnia; pa kruzie nadpisy: uviersie — Respublika Biełaruś, unizie: 20 RUBLOŬ (na srebnaj) i 1 RUBIEL (na miedna-nikielevaj), hod čakanki, proba spłavu (na srebnaj).
Reviers: u centry — znak UNOVIS — čyrvony kvadrat u abramleńni stylizavanaj kampazicyi, jakaja składajecca z kancentryčnych akružnaściaŭ i duh.
Maniety adčakanieny na Kazachstanskim manietnym dvary jakaściu: srebnyja — «pruf ź ličbavym drukam», miedna-nikielevyja — «pruf-łajk ź ličbavym drukam».
